ONOLDIUM seu ON et ANSPACHIUM

ONOLDIUM, seu ON et ANSPACHIUM

oppid. Franconiae cum Castro, sub proprio Marchione, e familia Brandeburg. ad amnem cognominem 6. milliar. German. a Norimberga in Ortum, 10. a Bamberga in Meridiem. Hinc Marchionatus Onoldinus, cuius familiae origo arcessenda est, a Iohanne Georgio Electore

Brandeburg. filio Ioachimi 2. communi patre omnium hodie ex gente hac Sereniss. superstitum. Huius fil. tertius Ioachimus Ernestus, A. C. 1603. nactus est ditionem Anspacensem, seu Onoldsbacensem, in Francola: in Belgico, et Alfatico bello A. C. 1610. fortitudinis variis speciminibus editis inclitus. Bellô vero Palationô, quô A. C. 1620. castra duci Bavariae opposita habuit, a Spinola mox tantâ dexteritate et fortunâ elusus est, ut apud suos fidemamitteret, quasi causam Unionis, cuius dux erat, parum fideliter administraret. Obiit A. C. 1625. pater Friderici, qui praelio Norlingensi periit: Christiani, qui Blaesis mortuus est et Alberti, qui natus A. C. 1620. Ioh. Fridericum genuit, Spener. Sylloge Geneal. Historica. Vide et hîc infra.